Зошто ни нудат избор на лекарства? - Брошура Зошто ни нудат избор на лекарства? - Брошура

View this page in English          

БИДЕЈЌИ ИСТОТО ЛЕКАРСТВО МОЖЕ ДА ИМА РАЗЛИЧНИ ИМИЊА

Многу лекарства кои ја содржат истата активна состојка се произведуваат и продаваат под различни марки.  Тие може да имаат различни имиња, да изгледаат различно и нивната цена да биде различна, меѓутоа тие делуваат на ист начин.

Сите лекарства во Австралија мора да ги задоволуваат истите строги стандарди за квалитет, безбедност и делотворност.

Ако ви понудат да изберете марка, лекарството од секоја марка секогаш ќе ја содржи истата активна состојка како таа што е напишана во рецептот или како таа што вие обично ја примате, што значи дека лекарствата од сите марки ќе го имаат истиот ефект на телото.  Запамтете, различни аптеки може да продаваат лекарства од различни марки. 

Зошто активната состојка во вашето лекарство е толку многу важна?

Повеќето лекарства имаат две имиња – името на активната состојка и името на оригиналната марка. Активната состојка е хемикалијата во лекарството што му овозможува тоа да делува.  Името на оргиналната марка е име што производителот му го дава на лекарството.

Секогаш кога земате лекарство, треба да проверите која е активната состојка за да избегнете да примате дупла доза со некое друго лекарство што ја содржи истата активна состојка.

Замолете го вашиот доктор или аптекар да ви каже која е активната состојка ако не сте сигурни или ако не можете да ја најдете во состојките на вашето лекарство.

Најдете ја активната состојка

Името на активната состојка се наоѓа на опаковката на лекарството.  Ако се работи за лек што се издава на рецепт, името исто така ќе го најдете на етикетата што ја става аптекарот. Погледнете го примерокот на етикета за издавање на препишани лекарства.

'Superstat' е измислен производ што е прикажан тука само за образовни цели.

Дали лекови од различни оригинални марки делуваат исто?

Да, тие ќе делуваат. Ако лекарството ја содржи истата активна состојка со иста јачина како и лекарство од друга марка, тогаш тоа ќе ги има истите можни здравствени бенефиции и несакани последици.

Ако боледувате од хронична болест или го примате истото лекарство долго време, докторот може да ви препорача да продолжете да го користите вашето вообичаено лекарство. Во тој случај, тој ќе го штиклира квадратчето до ‘Не е дозволена замена на марка’ (‘Brand substitution not permitted’) на вашиот рецепт.

Исто така, најдобро е да не ги менувате постојано лекарствата од различни марки, посебно ако примате неколку различни лекарства. Тоа може да ве збуни кое лекарство да го земете и кога.

Зошто лекарствата изгледаат различно ако тие исто делуваат?

Заради оригиналната марка, пакувањата на лекарствата може да изгледаат различно.

Лекарството исто така може да биде различно по форма, големина, боја или вкус.  Ова се јавува затоа што во процесот на производството се користат различни ‘неактивни’ состојки — на пример, лактоза, глутен, шеќер, конзерванси и бои.

За повеќето луѓе, овие разлики немаат никакво значење.

Меѓутоа, ако имате одредени алергии или не можете да поднесувате одредени супстанци (или ако изберете да избегнувате одредени супстанци заради културни или медицински причини), тогаш треба да проверите кои неактивни состојки ги содржи лекарството од марката што ќе ја изберете.  Разговарајте со вашиот доктор или аптекар за подобро да се информирате каков избор на марки на лекарства имате.